КОМИСИЈАТА ЗА ЗАШТИТА НА ПРАВОТО ЗА СЛОБОДЕН ПРИСТАП ДО ИНФОРМАЦИИТЕ ОД ЈАВЕН КАРАКТЕР  ПОТСЕТУВА ДЕКА КРАЈНИОТ РОК ЗА ДОСТАВУВАЊЕ НА ГОДИШНИ ИЗВЕШТАИ Е 31 ЈАНУАРИ!!! ПО  ОВОЈ ДАТУМ ЌЕ СЕ ПРИМААТ ЕДИНСТВЕНО ИЗВЕШТАИТЕ ИСПРАТЕНИ ВО ЗАКОНСКИ ПРЕДВИДЕНИОТ ТЕРМИН ПО ПОШТА!
СО ЦЕЛ ДА ГИ ИЗБЕГНАТ ПОСЛЕДИЦИТЕ ОД ПРЕКРШОЧНИТЕ ОДРЕДБИ ПРОПИШАНИ ЗА НЕПОЧИТУВАЊЕ НА ЗСПИЈК, КОМИСИЈАТА УШТЕ ЕДНАШ ГИ ПОВИКУВА СЛУЖБЕНИТЕ И ОДГОВОРНИТЕ ЛИЦА КАЈ ИМАТЕЛИТЕ  НА ИНФОРМАЦИИ ОД ЈАВЕН КАРАКТЕР СЕРИОЗНО ДА ЈА СФАТАТ ИМПЛЕМЕНТАЦИЈАТА НА ЗАКОНСКИТЕ ОДРЕДБИ И НАВРЕМЕ ДА ДОСТАВАТ ПРЕЦИЗНО ПОПОЛНЕТ ИЗВЕШТАЈ!
ПОАЃАЈЌИ ОД ДОСЕГА ПРИСТИГНАТИТЕ ИЗВЕШТАИ, СТРУЧНАТА СЛУЖБА НА КОМИСИЈАТА СЕКОЈДНЕВНО ВООЧУВА НОВИ СЛУЧАИ НА НЕДОСЛЕДНА ПРИМЕНА НА ЗАКОНОТ ОД АСПЕКТ НА НАЗНАЧУВАЊЕТО НА СЛУЖБЕНИТЕ ЛИЦА. ИМЕНО, ОДГОВОРНИТЕ ЛИЦА КАЈ НЕКОИ ИМАТЕЛИ НЕ НАОЃААТ ЗА ПОТРЕБНО ДА ГИ ИЗВЕСТАТ НОВОНАЗНАЧЕНИТЕ СЛУЖБЕНИ ЛИЦА ЗА ОБВРСКИТЕ ШТО ЗА НИВ ПРОИЗЛЕГУВААТ ОД ИМПЛЕМЕНТАЦИЈАТА НА ЗСПИЈК. ВОЕДНО КОМИСИЈАТА ПРЕДОЧУВА ДЕКА ПРОДОЛЖУВА ПРАКСАТА НА ПООДЕЛНИ ИНСТИТУЦИИ ДА ДОСТАВУВААТ НЕПРЕЦИЗНИ ПОДАТОЦИ ЗА АДРЕСАТА, ЕЛЕКТРОНСКАТА ПОШТА ИЛИ КОНТАКТ ТЕЛЕФОНИТЕ.
ВО ОВАА СМИСЛА, КОМИСИЈАТА ГИ ПОВИКУВА СЛУЖБЕНИТЕ ЛИЦА КАЈ ИМАТЕЛИТЕ (НЕЗАВИСНО ДАЛИ ДОСТАВИЛЕ ГОДИШЕН ИЗВЕШТАЈ ИЛИ НЕ) ДА ЈА ПОСЕТАТ ВЕБ СТРАНАТА НА КОМИСИЈАТА www.komspi.mk  И ДА РЕАГИРААТ ДОКОЛКУ ПОДАТОЦИТЕ ВНЕСЕНИ ВО ЛИСТАТА НА ИМАТЕЛИ СЕ НЕВАЛИДНИ И НЕПРЕЦИЗНИ!