Делегација на Комисијата за заштита на правото за слободен пристап до информациите од јавен карактер (КЗСПИЈК), составена од Заменик претседателот г-дин Блерим Исени, членот г-ѓа Катерина Димеска и помладиот соработник во Секретаријатот, г-ѓа Макфирете Морина Сулејмани, ќе земе учество на Регионалната конференција на тема „Слобода на јавното информирање“, што од 17 до 19 септември ќе се одржи во Приштина, Република Косово. Притоа, Заменик-претседателот на Комисијата, Блерим Исени пред учесниците ќе ги презентира досегашните искуства од примената Закон за слободен пристап до информации од јавен карактер во Република Македонија.
Покрај претставниците од Македонија и Косово, на Конферецијата чија цел е размена на регионалните практики и примената на легислативата за слободно информирање, ќе земат учество и претставници од сродните институции од Словенија, Хрватска, Албанија, Црна Гора и од Босна и Херцеговина.
