Бр.58 – 17.09.2013 – Седница на Комисијата за слободен пристап до информации

ДОНЕСЕНИ 4 РЕШЕНИЈА И 8 ЗАКЛУЧОЦИ

Комисијата за заштита на правото за слободен пристап до информациите од јавен карактер на својата 58 седница одржана на 17 септември 2013 година, донесе 4 решенија и 8 заклучоци.

Комисијата за заштита на правото за слободен пристап до информациите од јавен карактер, постапувајќи по Жалбата и Проширувањето на Жалбата изјавени од Фондацијата отворено општество – Македонија, поднесени преку В.М., извршен директор на Фондацијата, против Министерството за одбрана на Република Македонија, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), на седницата одржана на 17 септември 2013 година, го донесе следното

Р Е Ш Е Н И Е

Жалбата и Проширувањето на Жалбата изјавени од Фондацијата отворено општество – Македонија, поднесени преку В.М., извршен директор на Фондацијата, против Министерството за одбрана на Република Македонија, по предметот Барање за пристап до информации од јавен карактер: „Фотокопија од Годишната програма за работа на Министерството за одбрана на Република Македонија за 2013 година “ СЕ УВАЖУВА и предметот се враќа на повторно постапување пред првостепениот орган.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010),“ ја разгледа Жалбата заведена во Комисијата под број 07-281 на 07.05.2013 година и Проширувањето на Жалбата заведена во Комисијата под број 07-281 на 23.05.2013 година, изјавени од Фондацијата отворено општество – Македонија, поднесени преку В.М., извршен директор на Фондацијата, против Министерството за одбрана на Република Македонија, по предметот Барање за пристап до информации од јавен карактер и другите списи во вска со предметот, ја УВАЖИ и предметот го врати на повторно постапување пред првостепениот орган.
По разгледувањето на Жалбата и Проширувањето на Жалбата и другите списи во врска со предметот, Комисијата го констатира следното.
Како што се наведува во Жалбата, здружението Фондација отворено општество – Македонија на 27.03.2013 година, поднела Барање за пристап до информации од јавен карактер до Министерството за одбрана на Република Македонија, заведено во Фондација отворено општество – Македонија под бр.11-289/1 и побарало во фотокопија по пошта, да му се достави следната информација од јавен карактер.
“ Фотокопија од Годишната програма за работа на Министерството за одбрана на Република Македонија за 2013 година “
Министерството за одбрана на Република Македонија, како што се наведува во Жалбата, на ова Барање не одговорило во законски предвидениот рок, по што се смета дека Барањето е одбиено и е поднесена Жалба до Комисијата.
Комисијата за заштита на правото за слободен пристап до информациите од јавен карактер, со допис бр.07-281 од 09.05.2013 година, ја препрати Жалбата до Министерството за одбрана и побара во рок од 3 дена да се произнесе по истата и да ги достави до Комисијата сите списи во врска со предметот.
Фондацијата отворено општество – Македонија достави до Комисијата Проширување на жалба поради молечење на администрација бр.11-289/4 од 21.05.2013 година а во Комисијата заведено под бр. 07-281 на 23.05.2013 година.
Комисијата за заштита на правото за слободен пристап до информациите од јавен карактер, со допис бр.07-281 од 31.05.2013 година, ја препрати и Проширувањето на Жалбата до Министерството за одбрана и побара во рок од 3 дена да се произнесе по истата и да ги достави до Комисијата сите списи во врска со предметот.
Министерството за одбрана во врска со ова Барање до Комисијата достави Произнесување по жалбата бр. 14/1-173/83 од 03.06.2013 година, заведен во Комисијата под бр. 07-281 на 12.06.2013 година. Во Одговорот е наведено дека „Планот за работа на Министерството е документ кој содржи класифицирани информации кои се исклучок од слободниот пристап“.
Министерството за одбрана во врска со ова Барање до Комисијата достави Произнесување по проширувањето на жалбата бр. 14/1-173/89 од 12.06.2013 година, заведен во Комисијата под бр. 07-281 на 14.06.2013 година. Во наведениот Одговор на Проширувањето на Жалбата е наведено дека „ … стратешки документ според кој се определува динамиката за преземање на одредени активности од делокругот на работа за тековната година е Планот за работа. Програма за работа за тековната година како што е образложено во актот бр.14/1-2509/1 од 29.04.2013 година донесува Владата на Република Македонија. Планот за работа на Министерството е документ кој содржи класифицирани информации кои се исклучок од слободниот пристап. Министерството за одбрана сепак со цел да ја запази транспарентноста и отвореноста за соработка ја информираше Фондацијата за активностите кои се планирани да се преземат во тековната година, а за кои е известена и Владата на Република Македонија….Активностите кои се наведени во актот на МО бр.14/1-2509/1 од 29.04.2013 година се влезени и во Планот за работа на Министерството за 2013 година.“
По разгледувањето на Жалбата и Проширувањето на Жалбата и другите списи во врска со предметот, Комисијата утврди дека Министерството за одбрана не постапило согласно одредбите на Законот за слободен пристап до информации од јавен карактер.
Комисијата му укажува на Министерството за одбрана дека може да одбие Барање за пристап до информација од јавен карактер само доколку утврди дека бараната информација претставува исклучок од слободниот пристап согласно член 6 став 1 од Законот за слободен пристап до информации од јавен карактер. Притоа е должно да донесе Решение за одбивање на пристапот до бараната информација, со образложение во кое ќе ги наведе причините за одбивањето. Пред да го одбие пристапот должно е да го направи тестот на штетност, што согласно член 2 алинеја 6 од Законот за изменување и дополнување на Законот за слободен пристап до информации од јавен карактер (“Службен весник на Република Македонија“ бр. 6/2010) е задолжителна постапка која ја спроведува имателот, со која ги проверува последиците врз интересот кој се заштитува, односно јавниот интерес што би се постигнал со објавувањето на информацијата. Спроведениот тест на штетност се наведува во образложението на Решението за одбивање на пристапот до бараната информација.
Од наведените причини одлучено е како во диспозитивот на ова Решение.
Ова Решение е конечно во управната постапка и против него нема место за жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

* * * * *
Комисијата за заштита на правото за слободен пристап до информациите од јавен карактер, постапувајќи по Жалбата изјавена од Транспаренси Интернешнл-Македонија, поднесена преку С.Т., претседател на Здружението, против Заклучокот на Основното јавно обвинителство во Ресен, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), на седницата одржана на 17 септември 2013 година, го донесе следното

Р Е Ш Е Н И Е

Жалбата изјавена од Транспаренси Интернешнл-Македонија, поднесена преку С.Т., претседател на Здружението, против Заклучокот на Основното јавно обвинителство во Ресен, по предметот Барање за пристап до информации од јавен карактер СЕ УВАЖУВА и СЕ ЗАДОЛЖУВА Обвинителството на барателот да му ја достави бараната информација:
„1. Број на пријави по кои настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година? 2. Број на пријави по кои е донесена некоја јавно обвинителска одлука и е преземено некое јавно обвинителско дејствие, а по која настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година? 3. Број на пријави по кои е донесен Обвинителен Предлог или Обвинителен Акт, а по која настапило застарување за кривично гонење пред донесување на правосилна судска одлука во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година? “најдоцна до 10 октомври 2013 година, на начин и во форма наведени во Барањето. Оспорениот Заклучок на Основното јавно обвинителство во Ресен се поништува.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010),“ ја разгледа Жалбата заведена во Комисијата под број 07-446 на 10.07.2013 година, изјавена од Транспаренси Интернешнл-Македонија, поднесена преку С.Т., претседател на Здружението, против Заклучокот на Основното јавно обвинителство во Ресен, по предметот Барање за пристап до информации од јавен карактер и другите списи во врска со предметот, ја УВАЖИ и го ЗАДОЛЖИ Обвинителството на барателот да му ја достави бараната информација најдоцна до 07 октомври 2013 година, на начин и во форма наведени во Барањето.
По разгледувањето на Жалбата и другите списи во врска со предметот, Комисијата го констатира следното.
Како што се наведува во Жалбата, Здружението Транспаренси Интернешнл-Македонија на 11.06.2013 година, поднело Барање за пристап до информации од јавен карактер до Основното јавно обвинителство во Ресен, заведено во Транспаренси Интернешнл-Македонија под бр.0302-1336/24 и побарало во фотокопија по пошта, да му ја достават следната информација:
„1. Број на пријави по кои настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година?
2. Број на пријави по кои е донесена некоја јавно обвинителска одлука и е преземено некое јавно обвинителско дејствие, а по која настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година?
3. Број на пријави по кои е донесен Обвинителен Предлог или Обвинителен Акт, а по која настапило застарување за кривично гонење пред донесување на правосилна судкса одлука во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година?“
Основното јавно обвинителство во Ресен, како што се наведува во Жалбата, во врска со ова Барање донело Заклучок за прекинување на постапката А бр. 76/13 од 20.06.2013 година, во кој наведува дека „…не е орган кој ја создал бараната информација…сублимирање на податоците во форма и на начин на кој се бара информацијата во својата суштина би значело создавање на нова информација…“.
Незадоволно од добиениот Заклучок, Здружението Транспаренси Интернешнл-Македонија, преку С.Т, претседател на Здружението, достави Жалба до Комисијата.
Комисијата за заштита на правото за слободен пристап до информациите од јавен карактер, со допис бр.07-446 од 24.07.2013 година, ја препрати Жалбата до Основното јавно обвинителство во Ресен и побара во рок од 3 дена да се произнесе по истата и да ги достави до Комисијата сите списи во врска со предметот.
Основното јавно обвинителство во Ресен не одговори на дописот на Комисијата.
По разгледувањето на Жалбата и другите списи во врска со предметот Комисијата утврди дека Основното јавно обвинителство во Ресен не постапило согласно одредбите на Законот за слободен пристап до информации од јавен карактер, ниту пак согласно одредбите од Законот за јавното обвинителство и Правилникот за внатрешно работење на јавните обвинителства.
Од содржината на Барањето Комисијата констатира дека, согласно своите надлежности, имател на бараната информација е Основното јавно обвинителство во Ресен и е должно да постапи по истото, а не како што е постапено во случајов, наместо на барателот да му ја достави бараната информација на начин и во форма наведени во Барањето, неосновано бараната информација ја направило недостапна за барателот.
Согласно член 10 став 1 од Законот за слободен пристап до информации од јавен карактер имателот на информации е должен на јавноста да и ги направи достапни податоците од неговите надлежности утврдени со закон, односно „други информации кои произлегуваат од надлежноста и работата на имателот на информации“. Согласно ставот 3 од истиот член, како начини за информирање на јавноста за својата работа, имателите на информации, меѓу другото, е потребно „да објавуваат статистички податоци за својата работа“.
Согласно, пак, член 8 став 2 од Законот за јавното обвинителство (“Службен весник на Република Македонија“ бр.150/2007 и бр. 111/2008) „Јавниот обвинител на Република Македонија, вишиот јавен обвинител, основниот јавен обвинител за гонење на организиран криминал корупција и основниот јавен обвинител или од нив овластени лица на јавноста и на средствата за јавно информирање им обезбедуваат пристап до информациите за состојбата на криминалитетот и други прашања од општо значење од работењето на јавното обвинителство, под услови пропишани со закон“. Начинот на водењето на статистиката и подготвувањето на извештаите од страна на јавните обвинителства е објаснет во членовите 75 до 80 од Правилникот за внатрешно работење на јавните обвинителства (“Службен весник на Република Македонија“ бр.45/2010), каде меѓу другото како законска обврска за јавните обвинителства е предвидено „водење статистички прегледи“, а во нив покрај пополнувањето на редовните рубрики, дури и внесување и други податоци во рубриката „забелешки“.
Во конкретниов случај, Основното јавно обвинителство во Ресен било должно да ги почитува погоренаведените законски одредби и да создаде или да располага со податоците кои се наведени во Барањето на Транспаренси Интернешнл-Македонија.
Од наведените причини одлучено е како во диспозитивот на ова Решение.
Ова Решение е конечно во управната постапка и против него нема место за жалба.

УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

* * * * *
Комисијата за заштита на правото за слободен пристап до информациите од јавен карактер постапувајќи по Жалбата изјавена од Д.Р. од Скопје, поднесена против Министерството за финансии-Управа за имотно правни работи – Одделение за управна постапка во Кисела Вода, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), на седницата одржана на 17 септември 2013 година, го донесе следното

Р Е Ш Е Н И Е

Жалбата изјавена од Д.Р. од Скопје, поднесена против Министерството за финансии-Управа за имотно правни работи – Одделение за управна постапка во Кисела Вода, по предметот Барање за пристап до информации од јавен карактер СЕ УВАЖУВА и СЕ ЗАДОЛЖУВА Министерството за финансии-Управа за имотно правни работи – Одделение за управна постапка во Кисела Вода на барателот да му овозможи увид во предметот „Решение бр.26-1315/2/2012 година издадено од Министерството за финансии – Управа за имотно правни работи – Одделение за управна постапка Кисела Вода, за приватизација на дворно место на станарите од станбен објект кој се наоѓа на КП1157 а е приватизирано на дворно место од КП.1156/1 со кое граничам и јас“, најдоцна до 07.10.2013 година, на начин и во форма наведени во Барањето.

О Б Р А З Л О Ж Е Н И Е

УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

* * * * *
Комисијата за заштита на правото за слободен пристап до информациите од јавен карактер постапувајќи по Жалбата изјавена од З.П. од Скопје, поднесена против АДГ Маврово – во стечај Скопје, стечаен управител В.Д., по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), на седницата одржана на 17 септември 2013 година, го донесе следното

Р Е Ш Е Н И Е

Жалбата изјавена од З.П. од Скопје, поднесена против АДГ Маврово – во стечај Скопје, стечаен управител Вера Димитриевска, по предметот Барање за пристап до информации од јавен карактер СЕ УВАЖУВА и СЕ ЗАДОЛЖУВА АДГ Маврово – во стечај Скопје, стечаен управител В.Д. на барателот да му ја достави бараната информација „Преку пристап до информации од јавен карактер од страна на имателот, со допис бр.05-200 од 14.03.2012 г.добив копија од годишна пресметка за 2008 г.за стечајниот должник АДГ Маврово Скопје. Во образецот биланс на состојба, ставка побарувања во колоната исправка на вредноста запишана е сума од 1.361.509.145,00 денари, барам од имателот на информацијата да ја поткрепи горе цитираната сума со достава на список на кои купувачи е отпишано побарувањето и во кој износ“, најдоцна до 10 октомври 2013 година, на начин и во форма наведени во Барањето.

О Б Р А З Л О Ж Е Н И Е

* * * * *

Комисијата за заштита на правото за слободен пристап до информациите од јавен карактер постапувајќи по Жалбата изјавена од Транспаренси Интернешнл – Македонија, поднесена преку С.Т., Претседател на Здружението, против Основното јавно обвинителство – Дебар, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 247 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Транспаренси Интернешнл – Македонија, поднесена преку С.Т., Претседател на Здружението, против Основното јавно обвинителство – Дебар, по предметот Барање за пристап до информации од јавен карактер: „1. Број на пријави по кои настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година? 2. Број на пријави по кои е донесена некоја јавно обвинителска одлука и е преземено некое јавно обвинителско дејствие, а по која настапило застарување за кривично гонење пред донесување на Обвинителен Предлог или Обвинителен Акт во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година? 3. Број на пријави по кои е донесен Обвинителен Предлог или Обвинителен Акт, а по која настапило застарување за кривично гонење пред донесување на правосилна судска одлука во периодот од 2009 до 2013 година поединечно за секоја година? По кои кривични дела се водело кривичното гонење по кое настапило застарувањето во периодот од 2009 до 2013 година поединечно за секоја година?“, поради повлекување на истата.

О Б Р А З Л О Ж Е Н И Е

УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.

* * * * *
Комисијата за заштита на правото за слободен пристап до информациите од јавен карактер постапувајќи по Жалбата изјавена од Транспаренси Интернешнл – Македонија, поднесена преку М.З., Генерален секретар на Здружението, против Општина Вевчани, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 247 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Транспаренси Интернешнл – Македонија, поднесена преку М.З., Генерален секретар на Здружението, против Општина Вевчани, по предметот Барање за пристап до информации од јавен карактер: „1.Колку изнесува бројот на издадени Решенија за уривање на бесправно изградени објекти за периодот од 01.01.2009 година до 15.05.2013 година? 2.Колку изнесува бројот на реализирани Решенија за уривање за периодот од 01.01.2009 година до 15.05.2013 година?“, поради повлекување на истата.

О Б Р А З Л О Ж Е Н И Е

* * * * *
Комисијата за заштита на правото за слободен пристап до информациите од јавен карактер постапувајќи по Жалбата изјавена од Транспаренси Интернешнл – Македонија, поднесена преку М.З., Генерален секретар на Здружението, против Општина Петровец, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 247 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Транспаренси Интернешнл – Македонија, поднесена преку М.З., Генерален секретар на Здружението, против Општина Петровец, по предметот Барање за пристап до информации од јавен карактер: „1.Колку изнесува бројот на издадени Решенија за уривање на бесправно изградени објекти за периодот од 01.01.2009 година до 15.05.2013 година? 2.Колку изнесува бројот на реализирани Решенија за уривање за периодот од 01.01.2009 година до 15.05.2013 година?“, поради повлекување на истата.

О Б Р А З Л О Ж Е Н И Е

* * * * *
Комисијата за заштита на правото за слободен пристап до информациите од јавен карактер постапувајќи по Жалбата изјавена од Транспарентност Македонија, преку извршниот директор А.Ј.Д., поднесена против Државниот завод за ревизија, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 223 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Транспарентност Македонија, преку извршниот директор А.Ј.Д., поднесена против Државниот завод за ревизија, по предметот Барање за пристап до информации од јавен карактер: „Фотокопија од финансискиот извештај за приходите и расходите на жиро-сметката за втората половина од изборната кампања, за локалните избори на 24 март 2013 година, согласно член 84-б од Изборниот законик на сите организатори на изборни кампањи во РМ кои истиот го доставиле како и Листа на организатори на изборни кампањи кои не ја исполниле обврската согласно член 84-б од Изборниот законик“, поради тоа што на барателот му е одговорено на Барањето.

О Б Р А З Л О Ж Е Н И Е

* * * * *

Комисијата за заштита на правото за слободен пристап до информациите од јавен карактер, постапувајќи по Жалбата изјавена од Фондацијата отворено општество – Македонија, поднесена преку В.М., извршен директор на Фондацијата, против Генералниот секретаријат на Владата на Република Македонија, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 223 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Фондацијата отворено општество – Македонија, поднесена преку В.М., извршен директор на Фондацијата, против Генералниот секретаријат на Владата на Република Македонија, по предметот Барање за пристап до информации од јавен карактер: „Што е преземено за унапредување на примената на Кодексот за добри практики за учество на граѓанскиот сектор во процесот на креирање политики, согласно цел 1, мерка 3 точка 3 од Акцискиот план за Отворено владино партнерство (усвоен од Владата на РМ)?“, поради тоа што на барателот му е одговорено на Барањето.
.

О Б Р А З Л О Ж Е Н И Е

УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.
* * * * *

Комисијата за заштита на правото за слободен пристап до информациите од јавен карактер, постапувајќи по Жалбата изјавена од Фондацијата отворено општество – Македонија, поднесена преку В.М., извршен директор на Фондацијата, против Генералниот секретаријат на Владата на Република Македонија, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 223 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Фондацијата отворено општество – Македонија, поднесена преку В.М., извршен директор на Фондацијата, против Генералниот секретаријат на Владата на Република Македонија, по предметот Барање за пристап до информации од јавен карактер: „Ве молиме доставете копија од Информациите доставени до Владата на РМ од Министерството за информатичко општество и администрација со барањата кои биле предмет на петициите согласно цел 1, мерка 3, точка 1 од Акцискиот план за Отворено владино партнерство (усвоен од Владата на РМ). Дали до сега е донесен Заклучок од Владата по поднесените Информации за петициите и каде се достапни за јавноста?, поради тоа што на барателот му е одговорено на Барањето“.

О Б Р А З Л О Ж Е Н И Е

* * * * *

Комисијата за заштита на правото за слободен пристап до информациите од јавен карактер постапувајќи по Жалбата изјавена од Транспарентност Македонија, преку извршниот директор А.Ј.Д., поднесена против Државниот завод за ревизија, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008 и 6/2010), а во врска со член 223 од Законот за општата управна постапка, на седницата одржана на 17 септември 2013 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Транспарентност Македонија, преку извршниот директор А.Ј.Д., поднесена против Државниот завод за ревизија, по предметот Барање за пристап до информации од јавен карактер: „Фотокопија од финансискиот извештај за приходите и расходите на жиро-сметката за изборната кампања од денот на нејзиното отворање до крајот на десетиот ден од изборната кампања, за локалните избори на 24 март 2013 година, согласно член 84-б од Изборниот законик на сите организатори на изборни кампањи во РМ кои истиот го доставиле како и Листа на организатори на изборни кампањи кои не ја исполниле обврската согласно член 84-б од Изборниот законик“, поради тоа што на барателот му е одговорено на Барањето.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Транспарентност Македонија, преку извршниот директор А.Ј.Д., поднесена против Државниот завод за ревизија, по предметот Барање за пристап до информации од јавен карактер: „Фотокопија од вкупните финансиски извештаи за изборната кампања за локалните избори одржани на 24 март 2013 година и сите организатори на изборни кампањи кои ја исполниле обврската согласно член 85 од Изборниот законик како и Листа на организатори на изборни кампањи кои не ја исполниле обврската согласно член 85 од Изборниот законик“, поради тоа што на барателот му е одговорено на Барањето.

О Б Р А З Л О Ж Е Н И Е