Бр.101- Седница на Комисијата за слободен пристап до информации

ДОНЕСЕНИ 7 РЕШЕНИЈА И 13 ЗАКЛУЧОЦИ

Комисијата за заштита на правото за слободен пристап до информациите од јавен карактер, на 101-та седница одржана на 13 февруари 2015 година, донесе 7 решенија и 15 заклучоци.

* * * * *
Комисијата за заштита на правото за слободен пристап до информациите од јавен карактер, постапувајќи по Жалбата изјавена од Т.С.А. од Тетово, поднесена против Решението на Министерството за финансии, по предметот Барање за пристап до информации од јавен карактер врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006,86/2008, 6/2010 и 42/2014) на седницата одржана на 13 февруари 2015 година, го донесе следното
Р Е Ш Е Н И Е
Жалбата изјавена од Т.С.А. од Тетово, поднесена против Решението на Министерството за финансии број 03-43131/3 од 23.12.2014 година за одбивање на пристапот по предметот Барање за пристап до информации од јавен карактер, СЕ ОДБИВА.
Решението на Министерството за финансии број 03-43131/3 од 23.12.2014 година, СЕ ПОТВРДУВА.
О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, врз основа на член 28 од Законот за слободен пристап до информации од јавен карактер (“Службен весник на Република Македонија“ бр.13/2006,86/2008, 6/2010 и 42/2014), ја разгледа Жалбата бр.08-18 од 13.01.2015 година, изјавена од Т.С.А. од Тетово поднесена против Решението на Министерството за финансии број 03-43131/3 од 23.12.2014 година за одбивање на Барањето за пристап до информации од јавен карактер ЈА ОДБИ како неоснована и утврди дека Решението на првостепениот орган е правилно и врз закон засновано.
По разгледувањето на Жалбата и другите списи во врска со предметот, Комисијата го констатира следното.
Т.С.А. од Тетово на 12.12.2014 година поднела Барање за пристап до информации од јавен карактер до Министерството за финансии и побарала по пошта и на писмено да и ги достават следните информации:
“1. Кога лицето В.В. поранешен правен референт во службата за имотно правни работи во Општина Центар-Скопје е пензионирано.
2. Врз основ на кој Закон или каков договор истото лице и ден денес ја врши функцијата член на Комисија за одлучување по барања за денационализација за Општините Центар, Гази Баба и Карпош Скопје-со седиште во Општина Центар-Скопје.
3. Ако е некаков договор во прашање, кога истиот истекува.“
Постапувајќи по Барањето, Министерството за финансии донело допис-Доставување на одговор по барање заведен под бр.03-43131/2 од 23.12.2014 година, со кој одговара на точката 2 од Барањето и Решение број 03-43131/3 од 23.12.2014 година со кој го одбил Барањето за пристап до информации од јавен карактер, за точките 1 и 3.
Незадоволна од Решението на Министерството за финансии број 03-43131/3 од 23.12.2014 година, со кое Барањето за пристап до информации од јавен карактер се одбива за точка 1 и 3, Т.С.А. од Тетово на 13.01.2015 година поднесе Жалба до Комисијата.
Комисијата со допис бр.08-18 од 16.01.2015 година, ја препрати Жалбата до Министерството за финансии и побара во рок од три дена од денот на приемот на дописот да се произнесе по Жалбата и до Комисијата да ги достави сите списи во врска со предметот.
На 05.02.2015 година, Министерството за финансии достави Одговор на жалба бр.03-597/2 од 26.01.2015 година. Во Одговорот на жалбата, Министерството за финансии наведува:”…Министерството за финансии правилно постапило при донесување на Решението со кое се одбива барањето за пристап до информација, од причина што информациите кои ги бара сега жалителот содржат лични податоци, односно име и презиме на лицето В.В. и истите претставуваат исклучок од слободен пристап до информации, заради што имателот на информации може да го одбие барањето за пристап.”
По разгледување на Жалбата и списите во врска со предметот Комисијата за заштита на правото за слободен пристап до информациите од јавен карактер утврди дека Министерството за финансии правилно ја утврдило фактичката состојба и правилно ги применило одредбите на Законот за слободен пристап до информации од јавен карактер.
За дел од Барањето, точка 2, Министерството за финансии одговорило и во законски предвидениот рок, на начин и во форма наведена во Барањето доставило одговор до Т.С.А.. За точка 1 и 3 од Барањето, Министерството за финансии утврдило дека се работи за личен податок, и во законски предвидениот рок, согласно член 6 став 1 алинеј 2 од Законот за слободен пристап до информации од јавен карактер, донело Решение со кое се одбива пристапот до информациите. Цитираниот член гласи: ”Имателите на информации можат да одбијат барање за пристап до информација во согласност со закон ако информацијата се однесува на: личен податок чие откривање би значело повреда на заштитата на личните податоци.” При донесувањето на Решението, Министерството го имало во предвид член 6 став 3 од Законот за слободен пристап до информации од јавен карактер и спровело тестот на штетност, при што оценило дека давањето на бараната информација ќе предизвика поголеми последици врз интересот кој се заштитува во однос на јавниот интерес утврден со закон што би се постигнал со објавувањето на информацијата.
Комисијата утврди дека Министерството за финансии при постапување по Барањето правилно постапила и со оглед на тоа што се работело за информација која претставува исклучок од слободниот пристап, донела Решение за одбивање на пристапот. Во образложението на оспореното Решение е наведено дека е спроведен тестот на штетност и имателот ги образложил причините поради кои го одбил пристапот до бараните информации.
Поради наведеното, Комисијата ја одби Жалбата како неоснована и утврди дека Министерството донело правилно и врз закон засновано Решение.
Од наведените причини одлучено е како во диспозитивот на ова Решение.
Ова Решение е конечно во управната постапка и против него нема место за Жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од Л.В. од Охрид, поднесена против Универзитетот “Св. Климент Охридски“- Битола, Факултет за безбедност-Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното

Р Е Ш Е Н И Е
Жалбата изјавена од Л.В. од Охрид, поднесена против Универзитетот “Св. Климент Охридски“- Битола, Факултет за безбедност-Скопје, по предметот Барање пристап до информации од јавен карактер:
“Одлука донесена на ННС одржан на 20.12.1996 г. за подобност на тема на докторска дисертација од м-р Б.С.“ СЕ УВАЖУВА, Одлуката на Универзитетот “Св. Климент Охридски“- Битола, Факултет за безбедност-Скопје 0202/360/1 од 25.12.2014 година се поништува и предметот се враќа на повторно постапување пред првостепениот орган.

О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/06, 86/08, 6/10 и 42/2014), ја разгледа Жалбата заведена во Комисијата под бр.08-22 на 16.01.2015 година, изјавена од Л.В. од Охрид, поднесена против Универзитетот “Св. Климент Охридски“- Битола, Факултет за безбедност-Скопје, по предметот Барање за пристап до информации од јавен карактер, ЈА УВАЖИ, оспорената Одлука ја поништи и предметот го врати на повторно постапување пред првостепениот орган.
По разгледувањето на Жалбата и другите списи во врска со предметот, Комисијата го утврди следното.
Л.В. од Охрид   na 18.12.2014 година до Универзитетот “Св. Климент Охридски“- Битола, Факултет за безбедност-Скопје, поднела Барање за пристап до информации од јавен карактер со кое побарала да и ја достават следната информација:
“Одлука донесена на ННС одржана на 20.12.1996 г. за подобност на докторска дисертација од м-р Б.С.“.
Во врска со ова Барање, Универзитетот “Св. Климент Охридски“- Битола, Факултет за безбедност-Скопје донел Одлука заведена под број 0202/360/1 од 25.12.2014 година со која Барањето од д-р Л.В.“ се одбива.
Незадоволна од донесената Одлука, барателот на 16.01.2015 година поднесе Жалба до Комисијата.
Комисијата, со допис бр.08-22 од 21.01.2015 година, ја препрати Жалбата до Универзитетот “Св. Климент Охридски“ Битола, Факултет за безбедност-Скопје   и побара во рок од 3 дена да се произнесе по истата и до Комисијата да ги достави сите списи во врска со предметот.
Во врска со ова Барање, Универзитетот “Св. Климент Охридски“- Битола, Факултет за безбедност-Скопје до Комисијата достави допис “Доставување на списи во врска со Барање за слободен пристап до информации од јавен карактер од барателот д-р Л.В.“ заведен под број 03-84/2 од 02.02.2015 година а во Комисијата под број 08-22 на 05.02.2015 година..
Во Одговорот е наведено и:….“Во законски рок до барателот е доставено Известување за потреба од дополнување на Барањето бр.0202/338 од 09.12.2014 година во кое се бара истото да се поднесе во соодветен образец и барателот да наведе на каков начин сака да се запознае со информацијата. Видно од повратницата за извршена поштенска услуга, дописот е испратен од страна на Факултетот за безбедност-Скопје на 09.12.2014 година, а барателот го примил на 13.12.2014 година.
Надвор од Законскиот рок од член 17 од Законот за слободен пристап до информации од јавен карактер, на ден 18.12.2014 година, барателот д-р Л.В. достави соодветно Барање за пристап до информации од јавен карактер.
Во врска со Барањето за пристап до информации од јавен карактер од д-р Л.В. од 18.12.2014 година, Факултеттот за безбедност-Скопје донесе Одлука бр.0202-360-1 од 25.12.2014 година, со кое барањето го одби,….“ .
По разгледувањето на Жалбата и другите списи во врска со предметот, Комисијата го утврди следното.
Универзитетот “Св. Климент Охридски“- Битола, Факултет за безбедност-Скопје во врска со поднесеното Барање не постапил согласно Законот за слободен пристап до информации од јавен карактер.
Постапувајќи по Барање Универзитетотот “Св. Климент Охридски“ Битола, Факултет за безбедност-Скопје донел Одлука за одбивање на пристапот со образложение дека по спроведениот тест на штетност заклучиле дека бараната одлука содржи личен податок чие откривање би значело повреда на заштита на физичкото лице.
Во врска со наведената Одлука, Комисијата му укажува на имателот, дека согласно член 20 став 2 од Законот за слободен пристап до информации од јавен карактер “Ако имателот на информацијата барањето делумно или целосно го одбие, за тоа ќе донесе Решение“.
Во конкретниот случај имателот донел Одлука што не е во согласност со Законот за слободен пристап до информации од јавен карактер. Според Законот, имателот требало да донесе Решение за одбивање на пристап доколку се работи за исклучок од слободниот пристап и доколку утврдил дека во конкретниот случај не е можно да се спроведе ниту делумен пристап до бараната информација согласно член 7 од Законот за слободен пристап до информации од јавен карактер.
Што се однесува до наводите во Одговорот на имателот дека“ ..во законски рок до барателот е доставено Известување за потреба од дополнување на Барањето бр.0202/338 од 09.12.2014 година во кое се бара истото да се поднесе во соодветен образец и барателот да наведе на каков начин сака да се запознае со информацијата….“ Комисијата, укажува дека наведеното Барање е во согласност со Законот за слободен пристап до информации од јавен карактер бидејќи барателот се повикал на Законот и ја навел информацијата што ја бара. Имателот можел да го контактира барателот и да го праша во која форма му е потребна информацијата и да постапи по Барањето. Имателот нема право да го праша барателот зошто му е потребна бараната информаци ниту имало потреба да доставува до барателот Известување за потреба од дополнување на Барањето.
Во член 16 од Законот за слободен пристап до информации од јавен карактер е наведено дека: “Видот и формата на образецот на барањето за пристап до информации го утврдува Комисијата и имателот на информацијата е должен да го обезбеди образецот на барателот, а во Изменувањата и дополнувањата на Законот за слободен пристап до информации од јавен карактер (“Сл. Весник на РМ“ бр.6/2010) е наведено:“ по ставот 1 се додава нов став кој гласи:“ Барањето се поднесува на образецот од ставот 1 на овој член или во друга форма и на начин согласно со член 12 став 1 на овој закон“.
При повторното постапување по предметот Универзитетот “Св. Климент Охридски“ Битола, Факултет за безбедност-Скопје треба повторно да го разгледа Барањето, да ги има предвид укажувањата на Комисијата и да постапи согласно Законот за слободен пристап до информации од јавен карактер.
Поради погоре изложеното, Комисијата одлучи како во диспозитивот на ова Решение.
Ова Решение е конечно во управната постапка и против него нема место за жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.
**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од М.М. од Кавадарци, поднесена против ЈП Тиквешко Поле во ликвидација-Кавадарци, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното
Р Е Ш Е Н И Е
Жалбата изјавена од М.М. од Кавадарци, поднесена против ЈП Тиквешко Поле во ликвидација-Кавадарци по предметот Барање за пристап до информации од јавен карактер: “Дали кај насловот односно во ЈП “Тиквешко поле“ во ликвидација постои заверена деловна книга од член 21 од ЗИП за 2012 година?“, СЕ УВАЖУВА и предметот се враќа на повторно постапување пред првостепениот орган.
О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер постапувајќи согласно член 28 од Законот за слободен пристап до информации од јавен карактер, ја разгледа Жалбата заведена во Комисијата под број 08-17 на 13.01.2015 година, изјавена од М.М. од Кавадарци, поднесена против ЈП Тиквешко Поле во ликвидација-Кавадарци, по предметот Барање за пристап до информации од јавен карактер, ЈА УВАЖИ и предметот го врати на повторно постапување пред првостепениот орган.
Како што се наведува во Жалбата, М.М. од Кавадарци на 28.11.2014 година поднел Барање за пристап до информации од јавен карактер до ЈП Тиквешко Поле во ликвидација- Кавадарци заведено во Јавното претпријатие под бр.пр. на 28.11.2014 година, со кое побарал по пошта, во препис да му се достави следната информација:
“Дали кај насловот односно во ЈП “Тиквешко поле“ во ликвидација постои заверена деловна книга од член 21 од ЗИП за 2012 година?“.
По ова Барање, ЈП Тиквешко Поле во ликвидација-Кавадарци не одговорило во законски предвидениот рок, поради што барателот поднесе Жалба до Комисијата.
Комисијата, со допис бр.08-17 од 14.01.2014 година, ја препрати Жалбата до ЈП Тиквешко Поле во ликвидација-Кавадарци и побара во рок од три дена да се произнесе по истата и до Комисијата да ги достави сите списи во врска со предметот.
ЈП Тиквешко Поле во ликвидација-Кавадарци во врска со ова барање до Комисијата достави допис “Произнесување по доставена жалба во функција на спроведување на Законот за слободен пристап до информации од јавен карактер“, без архивски број и дата потпишано од ликвидатор Љ.Ѓ. со печат на ЈП Тиквешко Поле во ликвидација-Кавадарци, а во Комисијата заведен под број 08-17.
Во Одговорот покрај другото наведено е и: “По отварањето на ликвидационата постапка бр III Л 23/07 за ликвидационен управник беше назначен Б.С. од Кавадарци, но од ден 07.05.2010 година за ликвидатор е назначен Љ.Ѓ. од Кавадарци.
По промената на ликвидаторот воопшто не е извршено примопредавање помеѓу новиот и стариот ликвидатор така да во списите и документите со кои располага Љ.Ѓ. нема примерок од деловна книга. Од тие причини не сме во можност да ви ги доставиме потребните документи кои ги барате од нас. Ве известувам дека евиденцијата за должниците по книговодствени картици е меморирана во програмите од комјутерот и решенијата за должниците ги принтаме во препис, а за потребите на судот, додека препис од изводот од заверена деловна книга не сме во можност да издадеме бидејќи тие изводи не се меморирани во компјутер.“
По разгледувањето на Жалбата и другите списи во врска со предметот, Комисијата за заштита на правото за слободен пристап до информациите од јавен карактер утврди дека ЈП Тиквешко Поле во ликвидација-Кавадарци не постапило согласно одредбите од Законот за слободен пристап до информации од јавен карактер.
Согласно член 26 став 2 од Законот за изменување и дополнување на Законот за слободен пристап до информации од јавен карактер „Ако барањето се однесува на информација со која не располага имателот или ако бараната информација веќе е објавена во согласност со членовите 18 и 23 од овој закон, имателот на информацијата со заклучок ќе ја прекине постапката“.
При повторното постапување по предметот, ЈП Тиквешко Поле во ликвидација-Кавадарци е должно во целост да постапи по Барањето согласно член 20 и член 21 од Законот за слободен пристап до информации од јавен карактер и да постапи по укажувањата на Комисијата.
Ова Решение е конечно во управната постапка и против него нема место за жалба.
       УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од В.Ј. од Велес, поднесена против Општина Велес, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното
Р Е Ш Е Н И Е
Жалбата изјавена од В.Ј. од Велес, поднесена против Општина Велес, по предметот Барање за пристап до информации од јавен карактер:
“1.Кој го составил (а Вие сте го потпишале) одговорот на моето барање бр.10-6862/1 од 04.09.2014 година упатено до рефер. за данок на промет.
2.Кој е тој одговор кој сум го добила со допис бр.08-3289/4 од 22.04.2014 г.(за мене непознат)“, во делот од Барањето наведено под точка 1 СЕ УВАЖУВА и СЕ ЗАДОЛЖУВА Општина Велес на барателот да му ја достави бараната информација најдоцна до 2 март 2015 година.
Во делот од Барањето наведен под точка 2 Жалбата се ОДБИВА.
О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, постапувајќи согласно член 28 од Законот за слободен пристап до информации од јавен карактер, ја разгледа Жалбата бр.07-847 од 30.12.2014 година, изјавена од В.Ј. од Велес, поднесена против Општина Велес, по предметот Барање за пристап до информации од јавен карактер и во делот од Барањето наведен во точката 1 ја УВАЖИ И ЈА ЗАДОЛЖИ Општина Велес на барателот да му ја достави бараната информација најдоцна до 2 март 2015 година.
Во во делот од Барањето наведен под точка 2 ЈА ОДБИ како неоснована.
По разгледувањето на Жалбата и другите списи во врска со предметот, Комисијата го констатира следното.
Како што се наведува во Жалбата, В.Ј. од Велес, на 02.12.2014 година поднела Барање за пристап до информации од јавен карактер бр.25-8995/1 до Општина Велес, со кое побарала лично во архивата на Општината да и достави фотокопија од следната информација:
„1.Кој го составил (а Вие сте го потпишале) одговорот на моето барање бр.10-6862/1 од 04.09.2014 година упатено до рефер. за данок на промет.
2.Кој е тој одговор кој сум го добила со допис бр.08-3289/4 од 22.04.2014 г.(за мене непознат)“.
Во врска со ова Барање, Општина Велес во законски предвидениот рок на 15.12.2014 година до барателот доставила Одговор на барање за пристап до информации заведен под број 25-8995/2.
Во однос на првото прашање имателот дал одговор кој не одговара на прашањето наведено во точка 1 од Барањето а во однос на второто прашање е наведено: “..Во врска со Вашето второ прашање, во прилог ви доставиваме копија од предметот бр.08-3289/4 од 22.04.2014 година како и копија на доставница која сте ја потпишале на ден 23.04.2014 година.“
Незадоволна од наведениот Одговор, В.Ј. од Велес на 23.12.2014 година до Општина Велес поднела Повторно барање за пристап до информации од јавен карактер заведено под број 25-9524/1.
Во Повторното барање покрај другото наведено е и: “Очекувам со име и презиме конкретно да ми се одговори кој го составил одговорот на посоченото барање…“
Општина Велес не одговорила на Повторното барање на барателот, поради што В.Ј. од Велес на 30.12.2014 година до Комисијата достави Жалба заведена под број 07-847.
Во Жалбата е наведно: “Општина Велес не ми одговори конкретно на првото прашање со име и презиме кој го составил одговорот на пр. бр. 10-6862/1 од 03.09.2014 година ниту по повтореното барање од 23.12.2014 година пр.бр. 25-9524/1 со кое што докажувам како е конфузен одговорот на второто прашање од пр.25-8995/1.“
Комисијата, со допис бр.07-847 од 13.01.2015 година ја препрати Жалбата до Општина Велес и побара во рок од 3 дена да се произнесе по истата и до Комисијата да ги достави сите списи во врска со предметот.
Општина Велес на 27.01.2015 година до Комисијата достави “Одговор на жалба“ заведен под бр.25-358/2 од 26.01.2015 година, а во Комисијата заведен под бр. 07-847.
Во Одговорот на жалба е наведено дека “…Постапувајќи по барањето, на ден 15.12.2014 година, Општина Велес до барателот достави Одговор на барање за слободен пристап до информации од јавен карактер бр.8995/2 во кој го известува барателот дека одговорот на неговото барање бр.10-6862/1 од 04.10.2014 година го подготвиле стручните службеници за администрирање со даноци во рамките на Одделението за финансиски прашања при Општина Велес…..Во врска со второто прашање поставено во Барањето, Општина Велес на барателот му достави копија од предметот бр.08-3289/4 од 24.04.2014 година како и копија од доставница која барателот ја потпишал на ден 23.04.2014 година. Позитивниот одговор на барањето е констатирано со записник бр.25-8995/3 од 15.12.2014 година…. “
По разгледувањето на Жалбата и другите списи во врска со предметот, Комисијата утврди дека Општина Велес не постапила по прашањето наведено во точка 1 и не одговорила со име и презиме, кој го составил одговорот на барањето бр.10-6862/1 од 04.09.2014 година. Имињата и презимињата на државните службеници не се заштитен личен податок и државните службеници се должни, да носат ознаки со нивното име и презиме и работно место. Од наведените причини, Комисијата ја задолжи Општина Велес да ги достави бараните податоци до барателот.
Што се однесува до точка 2 наведена во Барањето, Комисијата утврди дека Општина Велес до барателот го доставила Одговорот бр.08-3289/4 од 22.04.2014 година, за што постои уредно потпишана доставница од барателот и поради тоа за овој дел од Барањето ја одби Жалбата како неоснована
Поради ова, Комисијата одлучи како во диспозитивот на ова Решение.
Ова Решение е конечно во управната постапка и против него нема место за жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од М.З. од Велес, поднесена против Управата за јавни приходи-Регионална дирекција Кавадарци-Даночно одделение Велес, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното
Р Е Ш Е Н И Е

Жалбата изјавена од М.З. од Велес, поднесена против Управата за јавни приходи-Регионална дирекција Кавадарци-Даночно одделение Велес, по предметот Барање за пристап до информации од јавен карактер: „…да ми одговори написмено за мои плаќања за угостителска дејност во гостилница „Црвени Каранфили“, обавувана на улица Христо Ботев б.б. во Велес во период од 05.01.1972 до 23.10.1980… зашто не е внесен целокупен стаж за мене “, СЕ ОДБИВА како неоснована.
О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, постапувајќи согласно член 28 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата бр.07-834 од 30.12.2014 година, изјавена од М.З. од Велес, поднесена против Управата за јавни приходи-Регионална дирекција Кавадарци-Даночно одделение Велес, по Барањето за пристап до информации од јавен карактер, ЈА ОДБИ како неоснована.
По разгледувањето на Жалбата и другите списи во врска со предметот, Комисијата го констатира следното:
Како што се наведува во Жалбата, М.З. од Велес на 23.09.2013 година поднел Барање до Управата за јавни приходи-Регионална дирекција Кавадарци-Даночно одделение Велес, со кое побарал да му ја достават следната информација:
„…да ми одговори написмено за мои плаќања за угостителска дејност во гостилница „Црвени Каранфили“, обавувана на улица Христо Ботев б.б. во Велес во период од 05.01.1972 до 23.10.1980…зашто не е внесен целокупен стаж за мене“.
Управата за јавни приходи-Регионална дирекција Кавадарци-Даночно одделение Велес, како што е наведено во Жалбата, на ова Барање не одговорило во законски предвидениот рок, по што се смета дека Барањето е одбиено и е поднесена Жалба до Комисијата.
Комисијата, со допис бр.07-834 од 13.01.2015 година, ја препрати Жалбата до Управата за јавни приходи-Регионална дирекција Кавадарци-Даночно одделение Велес и побара во рок од три дена да се произнесе по истата и до Комисијата да ги достави сите списи во врска со предметот.
Управата за јавни приходи-Регионална дирекција Кавадарци-Даночно одделение Велес на барањето на Комисијата одговори со Информација бр.25-134/3 од 22.01.2015 година, заведена во Комисијата под бр. 07-834 на 27.01.2015 година. Во Информацијата е наведено дека Управата за јавни приходи-Регионална дирекција Кавадарци-Даночно одделение Велес на М.З. од Велес му е одговорено „…врз основа на податоци од документацијата архивирана во предметот што се води за ова лице…“. Во прилог на Информацијата до Комисијата се доставени фотокопии од повеќе одговори на барања од М.З. од Велес, како и фотокопии од повеќе потврди, уверенија и службени белешки издадени на истото лице, со цел да му послужат „…за остварување на право на пензија“.
По разгледувањето на Жалбата и другите списи во врска со предметот и по извршениот увид во Архивата на Управата за јавни приходи-Регионална дирекција Кавадарци-Даночно одделение Велес на 04.02.2015 година, Комисијата утврди дека Управата за јавни приходи-Регионална дирекција Кавадарци-Даночно одделение Велес правилно постапило согласно Законот за слободен пристап до информации од јавен карактер и на барателот му ги доставило сите барани информации кои произлегуваат од негова надлежност согласно Законот за Управа за јавни приходи.
При увидот е констатирано дека во Архивата на Управата за јавни приходи-Регионална дирекција Кавадарци-Даночно одделение Велес не се наоѓаат други документи кои гласат на име на барателот на информации, односно дека Даночното одделение Велес на М.З. од Велес му овозможило пристап до информации согласно своите надлежности кои се однесуваат за годините од 1984 до 1994 година. За годините од 1972 до 1983 година, Управата за јавни приходи-Регионална дирекција Кавадарци-Даночно одделение Велес немало законска должност да подготвува, или да поседува такви податоци кои се наведени во предметното Барање за слободен пристап до информации од јавен карактер.
Поради ова, Комисијата одлучи како во диспозитивот на ова Решение.
Ова Решение е конечно во управната постапка и против него нема место за жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од Здружението на граѓани-Центар за граѓански комуникации (ЦГК) од Скопје, преку полномошникот С.Ф., вработена во Здружението, поднесена против Ј.П. за стопанисување со државните шуми „Македонски шуми„ – П.О. Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното
Р Е Ш Е Н И Е
Жалбата изјавена од Здружението на граѓани-Центар за граѓански комуникации (ЦГК) од Скопје, преку полномошникот С.Ф., вработена во Здружението, поднесена против Ј.П. за стопанисување со државните шуми „Македонски шуми„ – П.О. Скопје, по предметот Барање за пристап до информации од јавен карактер за дел од Барањето наведени во следните точки:
„Ве молиме за постапката за јавна набавка на Садници – Палми број 14-850/2/2014 да не известите дали е спроведен технички дијалог и да ни ги доставите:
– согласност/и од Советот за јавни набавки доколку е побарана
– одлуката за избор на најповолна понуда или поништување на постапката која одговорното лице ја донесе во врска со постапката
– извештај од спроведената е-аукција“ СЕ УВАЖУВА И СЕ ЗАДОЛЖУВА Ј.П. за стопанисување со државните шуми „Македонски шуми„ – П.О. Скопје на барателот да му ја достави бараната информација најдоцна до 02.03.2015 година, на начин и во форма наведени во Барањето.
Делот од Барањето наведен во точката:
„Ве молиме за постапката за јавна набавка на Садници – Палми број 14-850/2/2014 да не известите дали е спроведен технички дијалог и да ни ги доставите:
– извештајот за спроведената постапка за доделување на договор за јавна набавка“, Жалбата СЕ ОДБИВА.

О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, постапувајќи согласно член 28 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), ja разгледа на Жалбата заведенa под бр. 08-24 на 21.01.2015 година, изјавенa од Здружението на граѓани-Центар за граѓански комуникации (ЦГК) од Скопје, преку полномошникот С.Ф., вработена во Здружението, поднесена против Ј.П. за стопанисување со државните шуми „Македонски шуми„ – П.О. Скопје, по предметот Барање за пристап до информации од јавен карактер, во делот наведен во Барањето под точка 1, 3 и 4 ја уважи и го ЗАДОЛЖИ Ј.П. за стопанисување со државните шуми „Македонски шуми„ – П.О. Скопје на барателот да му ја достави бараната информација најдоцна до 02.03.2015 година, на начин и во форма наведени во Барањето, а во делот од Барањето наведено под точка 2 ја ОДБИ како неосована.
По разгледувањето на Жалбата и другите списи во врска со предметот, Комисијата го констатира следното:
Како што се наведува во Жалбата, Центарот за граѓански комуникации (ЦГК) на 05.12.2014 година поднел Барање за пристап до информации од јавен карактер заведено во ЦГК под бр.0302-979/1 до Ј.П. за стопанисување со државните шуми „Македонски шуми„ – П.О. Скопје, со кое побарал по пошта или по е-маил да му достави фотокопија од следната информација:
„Ве молиме за постапката за јавна набавка на Садници – Палми број 14-850/2/2014 да не известите дали е спроведен технички дијалог и да ни ги доставите:
•   согласност/и од Советот за јавни набавки доколку е побарана
•   извештајот за спроведената постапка за доделување на договор за јавна набавка
•   одлуката за избор на најповолна понуда или поништување на постапката која одговорното лице ја донесе во врска со постапката
•   извештај од спроведената е-аукција“.
Ј.П. за стопанисување со државните шуми „Македонски шуми„ – П.О. Скопје, како што е наведено во Жалбата, на ова Барање доставил Одговор бр.02-3/65-1 од 05.01.2015 година.
Незадоволен од наведениот Одговор, Центарот за граѓански комуникации (ЦГК) поднесе Жалба до Комисијата.
Комисијата, со допис бр.08-24 од 23.01.2015 година, ја препрати Жалбата до Ј.П. за стопанисување со државните шуми „Македонски шуми„ – П.О. Скопје и побара во рок од три дена да се произнесе по истата и да ги достави сите списи во врска со предметот.
Ј.П. за стопанисување со државните шуми „Македонски шуми„ – П.О. Скопје на 05.02.2015 година до Комисијата достави Одговор на жалба бр.02-3/3-1 од 02.02.2015 година, заведен во Комисијата под бр.08-24. Во Одговорот на жалба, меѓу другото, е наведено дека до барателот „…е доставен Извештајот за спроведената постапка за доделување на договор за јавна набавка, исто така барателот е известен дека за дополнителни информации може да изврши увид во предметот…“.
Во прилог на Одговорот достави фотокопија од Одговорот насловен до Барателот на информацијата бр.02-3/65-1 од 05.01.2015 година, во кој исто така е наведено дека на барателот му е одговорено за дел од бараните информации, а за дел од нив е известен дека „…можете за дополнителни информации да извршите увид во предметот“.
Согласно член 21 став 2 од Законот за слободен пристап до информации од јавен карактер, имателот на информацијата која е наведена во Барање за слободен пристап до информации од јавен карактер е должен на барателот да му ја достави „…во бараната форма…“.
По разгледувањето на Жалбата и списите во врска со предметот, Комисијата утврди дека во однос на точките 1, 3 и 4 од Барањето не е постапено, па поради тоа го задолжува имателот да му ја достави бараната информација на барателот во бараната форма и на начин наведен во Барањето, а за останиот дел од Барањето наведено во точка 2 се одбива бидејќи е доставен одговор до барателот.
Поради ова, Комисијата одлучи како во диспозитивот на ова Решение.
Ова Решение е конечно во управната постапка и против него нема место за жалба.
УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********
Комисијата за заштита на правото за слободен пристап до информациите од јавен карактер, постапувајќи по Жалбата изјавена од Б.П. од Велес, поднесена против Агенцијата за катастар на недвижности -Одделение за катастар на недвижности – Велес, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), на седницата одржана на 13 февруари 2015 година, го донесе следното
Р Е Ш Е Н И Е
Жалбата изјавена од Б.П. од Велес, поднесена против Агенцијата за катастар на недвижности -Одделение за катастар на недвижности – Велес, по предметот Барање за пристап до информации од јавен карактер: „Увид во документацијата на поседовен лист бр.2468 на КО Велес и да ми се издаде фотокопија на поседовен лист бр.2468, како и фотокопии на решение, договор и др. за формирање на поседовниот лист бр. 2468 на КО Велес и друго по извршениот увид. Да ми се издаде Записник и предмет на известување по однос на барањето…“, СЕ ОДБИВА.

О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, постапувајќи согласно член 28 од Законот за слободен пристап до информации од јавен карактер (Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата бр.07-808 од 09.12.2014 година, изјавена од Б.П. од Велес, поднесена против Агенцијата за катастар на недвижности -Одделение за катастар на недвижности – Велес ЈА ОДБИ како неоснована.
По разгледувањето на Жалбата и другите списи во врска со предметот, Комисијата го констатира следното:
Како што се наведува во Жалбата, Б.П. од Велес на 20.10.2014 година поднел Барање за пристап до информации од јавен карактер до Агенцијата за катастар на недвижности -Одделение за катастар на недвижности – Велес, заведено во Одделението под бр. 1103-676, со кое ја побарал следната информација:.
„Увид во документацијата на поседовен лист бр.2468 на КО Велес и да ми се издаде фотокопија на поседовен лист бр.2468, како и фотокопии на решение, договор и др. за формирање на поседовниот лист бр. 2468 на КО Велес и друго по извршениот увид. Да ми се издаде Записник и предмет на известување по однос на барањето…“.
Агенцијата за катастар на недвижности -Одделение за катастар на недвижности – Велес, како што е наведено во Жалбата, во врска со ова Барање до Б.П. доставило Известување бр.1103-676 од 31.10.2014 година, со кое барателот се известува дека „…е потребно да го дополните Вашето барање доколку Ви е погрешно цитиран имотниот лист во рок од 3 дена од денот на приемот на известувањето“.
Б.П. од Велес постапил по Известувањето и до Агенцијата за катастар на недвижности – Одделение за катастар на недвижности – Велес на 03.11.2014 година доставил Дополнување на барање, заведено во Одделението под бр. 1103-714.
Агенцијата за катастар на недвижности – Одделение за катастар на недвижности – Велес постапило по Дополнувањето на барањето и на 21.11.2014 година на Б.П. му овозможило увид во бараните документи, за што подготвило Записник бр. 1103-714.
Незадоволен од извршениот увид во документите, Б.П. од Велес не го потпишал наведениот Записник, по што поднесе Жалба до Комисијата. Во Жалбата е наведено дека Б.П. од Велес побарал „…фотокопија на целокупниот поседовен лист и Записник со напомена: Во Записникот да биде наведено Решение, Договор и друга сопственост за формирање на поседовен лист 2468 на И. С. КО Титов Велес…“ и бара Агенцијата за катастар на недвижности -Одделение за катастар на недвижности – Велес „…да достави, изработи Записник со чист и јасен текст, односно во Записникот да биде наведен текст за непоседување на Решение, Договор и друга сопственост за формирање на поседовниот лист 2468 на КО Титов Велес…“.
Комисијата, со допис бр.07-808 од 09.12.2014 година, ја препрати Жалбата до Агенцијата за катастар на недвижности -Одделение за катастар на недвижности – Велес и побара во рок од три дена да се произнесе по истата и до Комисијата да ги достави сите списи во врска со предметот.
Агенцијата за катастар на недвижности -Одделение за катастар на недвижности – Велес до Комисијата за заштита на правото за слободен пристап до информациите од јавен карактер достави Произнесување по жалба бр.1103-820/2014 од 21.01.2015 година, заведен во Комисијата под бр.07-808 на 27.01.2015 година. Во Произнесувањето по жалба е наведено дека „Со оглед на тоа што АКН-ОКН-Велес го овозможи увидот и фотокопија од списи, а подносителот бара дополнителен доказ како информација со која органот не располага и истата не ја поседува, поради што и не е изготвена…донесе Заклучок за прекинување на постапката…Истовремено ја повикуваме Комисијата…да изврши увид и контрола во архивата на АКН-ОКН-Велес и потврди фактот за непоседување на бараната информација“. Во прилог на Произнесувањето по жалба до Комисијата е доставена фотокопија од наведениот Заклучок за прекинување на постапката бр. 1103-820 од 08.01.2015 година.
Против наведениот Заклучок барателот не поднесе Жалба до Комисијата.
   По разгледувањето на Жалбата и другите списи во врска со предметот и по извршениот увид во архивата на Агенцијата за катастар на недвижности -Одделение за катастар на недвижности – Велес на 04.02.2015 година, Комисијата утврди дека Агенцијата за катастар на недвижности -Одделение за катастар на недвижности – Велес правилно ја утврдило фактичката состојба и правилно ги применило одредбите на Законот за слободен пристап до информации од јавен карактер.
Со оглед на тоа што му овозможило на барателот да изврши увид во бараните документи, при што било констатирано дека барателот бара друга информација која Агенцијата за катастар на недвижности – Одделение за катастар на недвижности – Велес   не ја создало, ниту пак располагало со истата, Одделението согласно член 26 став 2 од Законот за слободен пристап до информации од јавен карактер со Заклучок ја прекинало постапката по Барањето за слободен пристап до информации од јавен карактер.
Поради ова, Комисијата одлучи како во диспозитивот на ова Решение.
Ова Решение е конечно во управната постапка и против него нема место за жалба.

УПАТСТВО ЗА ПРАВНО СРЕДСТВО: Против ова Решение може да се поведе управен спор пред Управниот суд во рок од 30 дена од денот на неговото доставување.

**********

Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот
З А К Л У Ч О К
СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од банкарски извештаи за финансиското работење во 2013 година кои се однесуваат на лекување пациенти зависни од дроги“, поради тоа што барателот ги добил бараните информации.

О Б Р А З Л О Ж Е Н И Е
Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата заведена во Комисијата под број 07-830 на 30.12.2014 година, изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер и другите списи во врска со предметот и го утврди следното.
Како што се наведува во Жалбата, Здружението ХОПС-Опции за здрав живот Скопје на 03.11.2014 година, со поштенска препорачана пратка, поднело Барање за пристап до информации од јавен карактер бр.03-1546/1 до КПУ Затвор Скопје-Скопје, со кое побарало да му ја достават следната информација:
„Копии од банкарски извештаи за финансиското работење во 2013 година кои се однесуваат на лекување пациенти зависни од дроги“.
На ова Барање, КПУ Затвор Скопје-Скопје, одговорил со допис-Одговор на барање бр.03-4657/3 од 11.12.2014 година.
Незадоволно од наведениот одговор, Здружението ХОПС поднесе Жалба до Комисијата.
Во Жалбата е наведено дека истата се поднесува поради тоа што „Сметаме дека КПУ Затвор Скопје – Скопје одбива да даде конкретен одговор на поставеното барање…“.
Комисијата, со допис бр. 07-830 од 13.01.2015 година, ја препрати Жалбата до КПУ Затвор Скопје-Скопје и побара во рок од три дена да се произнесе по истата и до Комисијата да ги достави сите списи во врска со предметот.
КПУ Затвор Скопје-Скопје на барањето на Комисијата одговори со Одговор на жалба бр.03-287/2 од 23.01.2015 година, заведен во Комисијата под бр.07-830 на 27.01.2015 година. Во Одговорот на жалба е наведено дека „…во интерес на доверливоста на податоци од финансиски карактер, одлучено е на Здружението ХОПС да се овозможи пристап во форма на статистички податок…“.
Здружението ХОПС-Опции за здрав живот Скопје на 09.02.2015 година достави е-маил до Комисијата во кој е наведено дека од КПУ Затвор Скопје-Скопје добиле одговор на нивното Барање за слободен пристап до информации од јавен карактер и дека „Добиените одговори ги задоволуваат нашите барања и нема потреба да се спроведува понатамошна постапка“.
Врз основа на наведеното, Комисијата утврди дека КПУ Затвор Скопје-Скопје постапил по Барањето, но со задоцнување. Комисијата констатира дека во конкретниот случај битно е дека имателот постапил по Барањето, а барателот добил одговор на Барањето.
Согласно член 44 од Законот за слободен пристап до информации од јавен карактер „Глоба во износ од 300 до 500 евра во денарска противредност за прекршок ќе му се изрече на службеното лице за посредување со информации кај имателот на информацијата доколку во предвидениот рок неосновано не ја посредува информацијата согласно со членот 21 од овој закон“.
Поради ова, Комисијата одлучи како во диспозитивот на овој Заклучок.
Овој Заклучок е конечен во управната постапка и против него нема место за жалба.
УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.
**********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од фактурите за сите трошоци направени за потребите на пациенти зависни од дроги во 2013 година“, поради тоа што барателот ги добил бараните информации.

О Б Р А З Л О Ж Е Н И Е

**********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од фактурите за сите трошоци направени за потребите на пациенти зависни од дроги во 2012 година“, поради тоа што барателот ги добил бараните информации.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од фактурите за сите трошоци направени за потребите на пациенти зависни од дроги во 2011 година“, поради тоа што барателот ги добил бараните информации.

О Б Р А З Л О Ж Е Н И Е

**********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението на просветни работници за заштита на правата на жените и децата ЛИЛ-Скопје, поднесена против Државниот санитарен и здравствен инспекторат, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението на просветни работници за заштита на правата на жените и децата ЛИЛ-Скопје, поднесена против Државниот санитарен и здравствен инспекторат, по предметот Барање за пристап до информации од јавен карактер:
„1. Колкав е бројот на поднесени претставки (од физички и правни лица) во кои се бара заштита на правата на Ромите во областа на здравствена заштита и здравствено осигурување, во период од 01.01.2014 година заклучно со 30.06.2014 година? и
2. Колку од поднесените претставки се решени позитивно, по колку претставки не е покренета постапка, а во колку од нив постапката била запрена/прекината, во период од 01.01.2014 година заклучно со 30.06.2014 година?“, поради тоа што на барателот му е одговорено на Барањето.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010и 42/2014), ја разгледа Жалбата заведена во Комисијата под број 08-19 на 14.01.2015 година, изјавена од Здружението на просветни работници за заштита на правата на жените и децата ЛИЛ-Скопје, поднесена против Државниот санитарен и здравствен инспекторат, по предметот Барање за пристап до информации од јавен карактер и другите списи во врска со предметот и го утврди следното:
Како што се наведува во Жалбата, Здружението на просветни работници за заштита на правата на жените и децата ЛИЛ-Скопје, на 05.12.2014 година поднело Барање за пристап до информации од јавен карактер бр.102-1-1/2014 до Државниот санитарен и здравствен инспекторат, со кое побарало по пошта да му достават фотокопија од следната информација:
„1. Колкав е бројот на поднесени претставки (од физички и правни лица) во кои се бара заштита на правата на Ромите во областа на здравствена заштита и здравствено осигурување, во период од 01.01.2014 година заклучно со 30.06.2014 година? и
2. Колку од поднесените претставки се решени позитивно, по колку претставки не е покренета постапка, а во колку од нив постапката била запрена/прекината, во период од 01.01.2014 година заклучно со 30.06.2014 година?“.
            Државниот санитарен и здравствен инспекторат, како што е наведено во Жалбата, на ова Барање не одговорил во законски редвидениот рок, по што се смета дека Барањето е одбиено и е поднесена Жалба до Комисијата.
Комисијата, со допис бр. 08-19 од 16.01.2015 година, ја препрати Жалбата до Државниот санитарен и здравствен инспекторат и побара во рок од три дена да се произнесе по истата и до Комисијата да ги достави сите списи во врска со предметот.
   Државниот санитарен и здравствен инспекторат до Комисијата достави Одговор на жалба бр. 0883/2 од 28.01.2015 година, заведен во Комисијата под бр. 08-19 на 29.01.2015 година. Во Одговорот на жалба, меѓу другото, е наведено: „…ЛИЛ – Скопје во повеќе наврати се обраќаше до ДСЗИ како барател на информации од јавен карактер кои се однесуваат на истата проблематика…во прилог ви доставуваме копии од барањата…одговорите на барањата…претходно извршените комуникации направени по електронски пат…со цел навремено доставување на бараните информации, како и копија од ковертот со кој се доставени одговорите…и кој е вратен со назнака дека „означената улица не постои““. Во прилог на Одговорот на жалба не е доставена фотокопија од поштенска доставница, туку е доставена фотокопија од препорачано писмо, адресирано до Здружението на просветни работници за заштита на правата на жените и децата ЛИЛ-Скопје на Ул.„Никола Островски“ бр.2 Скопје, на кое стои поштенски штембил со назнака „означената улица не постои“ со дата и со поштенски печат од 15.08.2014 година. Истото не се однесува на предметното Барање за слободен пристап до информации бр. 102-1-1/2014 од 05.12.2014 година, туку на друг постар предмет бр.16-1486/2, кој датира од 14.08.2014 година.
   Здружението на просветни работници за заштита на правата на жените и децата ЛИЛ-Скопје на 30.01.2015 година до Комисијата достави е-маил во кој наведува: „Ве известуваме дека ги добивме одговорите на поднесените барања од двете институции ( Комисија за дискриминација и Државен санитарен и здравствен инспекторат) и од тие причини ги прекинуваме постапките по двете жалби во однос на истите).
Врз основа на наведеното, Комисијата утврди дека Државниот санитарен и здравствен инспекторат постапил по Барањето, но со задоцнување. Комисијата констатира дека во конкретниот случај битно е дека имателот постапил по Барањето, а барателот добил одговор на Барањето.
Поради ова, Комисијата одлучи како во диспозитивот на овој Заклучок.
Овој Заклучок е конечен во управната постапка и против него нема место за жалба.
УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.
**********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Финансиски и наративен извештај за 2011 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2011 година.).“, поради тоа што барателот ги добил бараните информации.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата заведена во Комисијата под број 07-822 на 30.12.2014 година, изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер и другите списи во врска со предметот и го утврди следното.
Како што се наведува во Жалбата, Здружението ХОПС-Опции за здрав живот Скопје на 03.11.2014 година, со поштенска препорачана пратка, поднело Барање за пристап до информации од јавен карактер бр.03-1538/1 до КПУ Затвор Скопје-Скопје, со кое побарало да му ја достават следната информација:
„Финансиски и наративен извештај за 2011 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2011 година.).“
На ова Барање, КПУ Затвор Скопје-Скопје, одговорил со допис-Одговор на барање бр.03-4663/3 од 11.12.2014 година.
Незадоволно од наведениот одговор, Здружението ХОПС поднесе Жалба до Комисијата.
Во Жалбата е наведено дека истата се поднесува поради тоа што „…сметаме дека КПУ Затвор Скопје – Скопје одбива да даде конкретен одговор на поставеното барање…“.
Комисијата, со допис бр.07-822 од 13.01.2015 година, ја препрати Жалбата до КПУ Затвор Скопје-Скопје и побара во рок од три дена да се произнесе по истата и до Комисијата да ги достави сите списи во врска со предметот.
КПУ Затвор Скопје-Скопје на барањето на Комисијата одговори со Одговор на жалба бр.03-284/2 од 23.01.2015 година, заведен во Комисијата под бр.07-822 на 27.01.2015 година. Во Одговорот на жалба е наведено дека „…во интерес на доверливоста на податоци од финансиски карактер, одлучено е на Здружението ХОПС да се овозможи пристап во форма на статистички податок…“.
Здружението ХОПС-Опции за здрав живот Скопје на 09.02.2015 година достави е-маил до Комисијата во кој е наведено дека од КПУ Затвор Скопје-Скопје добиле одговор на нивното Барање за слободен пристап до информации од јавен карактер и дека „Добиените одговори ги задоволуваат нашите барања и нема потреба да се спроведува понатамошна постапка.“
Врз основа на наведеното, Комисијата утврди дека КПУ Затвор Скопје-Скопје постапил по Барањето, но со задоцнување. Комисијата констатира дека во конкретниот случај битно е дека имателот постапил по Барањето, а барателот добил одговор на Барањето.
Согласно член 44 од Законот за слободен пристап до информации од јавен карактер „Глоба во износ од 300 до 500 евра во денарска противредност за прекршок ќе му се изрече на службеното лице за посредување со информации кај имателот на информацијата доколку во предвидениот рок неосновано не ја посредува информацијата согласно со членот 21 од овој закон“.
Поради ова, Комисијата одлучи како во диспозитивот на овој Заклучок.
Овој Заклучок е конечен во управната постапка и против него нема место за жалба.
УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Финансиски и наративен извештај за 2012 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2012 година.).“, поради тоа што барателот ги добил бараните информации.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата заведена во Комисијата под број 07-823 на 30.12.2014 година, изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер и другите списи во врска со предметот и го утврди следното.
Како што се наведува во Жалбата, Здружението ХОПС-Опции за здрав живот Скопје на 03.11.2014 година, со поштенска препорачана пратка, поднело Барање за пристап до информации од јавен карактер бр.03-1539/1 до КПУ Затвор Скопје-Скопје, со кое побарало да му ја достават следната информација:
„Финансиски и наративен извештај за 2012 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2012 година.).“
На ова Барање, КПУ Затвор Скопје-Скопје, одговорил со допис-Одговор на барање бр.03-4662/3 од 11.12.2014 година.
Незадоволно од наведениот одговор, Здружението ХОПС поднесе Жалба до Комисијата.
Во Жалбата е наведено дека истата се поднесува поради тоа што „…сметаме дека КПУ Затвор Скопје – Скопје одбива да даде конкретен одговор на поставеното барање…“.
Комисијата, со допис бр.07-823 од 13.01.2015 година, ја препрати Жалбата до КПУ Затвор Скопје-Скопје и побара во рок од три дена да се произнесе по истата и до Комисијата да ги достави сите списи во врска со предметот.
КПУ Затвор Скопје-Скопје на барањето на Комисијата одговори со Одговор на жалба бр.03-283/2 од 23.01.2015 година, заведен во Комисијата под бр.07-823 на 27.01.2015 година. Во Одговорот на жалба е наведено дека „…во интерес на доверливоста на податоци од финансиски карактер, одлучено е на Здружението ХОПС да се овозможи пристап во форма на статистички податок…“.
Здружението ХОПС-Опции за здрав живот Скопје на 09.02.2015 година достави е-маил до Комисијата во кој е наведено дека од КПУ Затвор Скопје-Скопје добиле одговор на нивното Барање за слободен пристап до информации од јавен карактер и дека „Добиените одговори ги задоволуваат нашите барања и нема потреба да се спроведува понатамошна постапка.“
Врз основа на наведеното, Комисијата утврди дека КПУ Затвор Скопје-Скопје постапил по Барањето, но со задоцнување. Комисијата констатира дека во конкретниот случај битно е дека имателот постапил по Барањето, а барателот добил одговор на Барањето.
Согласно член 44 од Законот за слободен пристап до информации од јавен карактер „Глоба во износ од 300 до 500 евра во денарска противредност за прекршок ќе му се изрече на службеното лице за посредување со информации кај имателот на информацијата доколку во предвидениот рок неосновано не ја посредува информацијата согласно со членот 21 од овој закон“.
Поради ова, Комисијата одлучи како во диспозитивот на овој Заклучок.
Овој Заклучок е конечен во управната постапка и против него нема место за жалба.
УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.
*********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Финансиски и наративен извештај за 2013 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2013 година.).“, поради тоа што барателот ги добил бараните информации.

О Б Р А З Л О Ж Е Н И Е

Комисијата за заштита на правото за слободен пристап до информациите од јавен карактер, согласно член 28 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), ја разгледа Жалбата заведена во Комисијата под број 07-824 на 30.12.2014 година, изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер и другите списи во врска со предметот и го утврди следното.
Како што се наведува во Жалбата, Здружението ХОПС-Опции за здрав живот Скопје на 03.11.2014 година, со поштенска препорачана пратка, поднело Барање за пристап до информации од јавен карактер бр.03-1540/1 до КПУ Затвор Скопје-Скопје, со кое побарало да му ја достават следната информација:
„Финансиски и наративен извештај за 2013 година за трошоците за лекување пациенти зависни од дроги? (Според Програмата за здравствена заштита на лица со болести на зависности во Република Македонија за 2013 година.).“
На ова Барање, КПУ Затвор Скопје-Скопје, одговорил со допис-Одговор на барање бр.03-4661/3 од 11.12.2014 година.
Незадоволно од наведениот одговор, Здружението ХОПС поднесе Жалба до Комисијата.
Во Жалбата е наведено дека истата се поднесува поради тоа што „…сметаме дека КПУ Затвор Скопје – Скопје одбива да даде конкретен одговор на поставеното барање…“.
Комисијата, со допис бр.07-824 од 13.01.2015 година, ја препрати Жалбата до КПУ Затвор Скопје-Скопје и побара во рок од три дена да се произнесе по истата и до Комисијата да ги достави сите списи во врска со предметот.
КПУ Затвор Скопје-Скопје на барањето на Комисијата одговори со Одговор на жалба бр.03-281/2 од 23.01.2015 година, заведен во Комисијата под бр.07-824 на 27.01.2015 година. Во Одговорот на жалба е наведено дека „…во интерес на доверливоста на податоци од финансиски карактер, одлучено е на Здружението ХОПС да се овозможи пристап во форма на статистички податок…“.
Здружението ХОПС-Опции за здрав живот Скопје на 09.02.2015 година достави е-маил до Комисијата во кој е наведено дека од КПУ Затвор Скопје-Скопје добиле одговор на нивното Барање за слободен пристап до информации од јавен карактер и дека „Добиените одговори ги задоволуваат нашите барања и нема потреба да се спроведува понатамошна постапка.“
Врз основа на наведеното, Комисијата утврди дека КПУ Затвор Скопје-Скопје постапил по Барањето, но со задоцнување. Комисијата констатира дека во конкретниот случај битно е дека имателот постапил по Барањето, а барателот добил одговор на Барањето.
Согласно член 44 од Законот за слободен пристап до информации од јавен карактер „Глоба во износ од 300 до 500 евра во денарска противредност за прекршок ќе му се изрече на службеното лице за посредување со информации кај имателот на информацијата доколку во предвидениот рок неосновано не ја посредува информацијата согласно со членот 21 од овој закон“.
Поради ова, Комисијата одлучи како во диспозитивот на овој Заклучок.
Овој Заклучок е конечен во управната постапка и против него нема место за жалба.
УПАТСТВО ЗА ПРАВНО СРЕДСТВО: Против овој Заклучок може да се поведе управен спор пред Управниот суд во рок од 30 дена од денот на неговото доставување.
**********
Комисијата за заштита на правото за слободен пристап до информациите од јавен карактер постапувајќи по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барање за пристап до информации од јавен карактер, врз основа на член 32 од Законот за слободен пристап до информации од јавен карактер (“Службен весник на Република Македонија“ бр.13/2006, 86/2008, 6/2010 и 42/2014), а во врска со член 223 од Законот за општата управна постапка, на седницата одржана на 13 февруари 2015 година, го донесе следниот

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од сметководствени картички за финансиското работење во 2011 година кое се однесува на лекување пациенти зависни од дроги.“, поради тоа што барателот ги добил бараните информации.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од сметководствени картички за финансиското работење во 2012 година кое се однесува на лекување пациенти зависни од дроги.“, поради тоа што барателот ги добил бараните информации.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од сметководствени картички за финансиското работење во 2013 година кое се однесува на лекување пациенти зависни од дроги.“, поради тоа што барателот ги добил бараните информации.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од банкарски извештаи за финансиското работење во 2011 година кое се однесува на лекување пациенти зависни од дроги.“, поради тоа што барателот ги добил бараните информации.

О Б Р А З Л О Ж Е Н И Е

З А К Л У Ч О К

СЕ ЗАПИРА постапката по Жалбата изјавена од Здружението ХОПС-Опции за здрав живот Скопје, поднесена преку Х.Ј., извршен директор на Здружението, против КПУ Затвор Скопје – Скопје, по предметот Барања за пристап до информации од јавен карактер:
„Копии од банкарски извештаи за финансиското работење во 2012 година кое се однесува на лекување пациенти зависни од дроги.“, поради тоа што барателот ги добил бараните информации.

О Б Р А З Л О Ж Е Н И Е